2026-жылдын 10-сентябрында «Банк Азия» ЖАКта Директорлор кеңешинин жана Башкармалыктын мүчөлөрүнүн, ошондой эле түзүмдүк бөлүмдөрдүн жетекчилеринин катышуусунда «Жаңы парадигмадагы башкаруу: заманбап жетекчи үчүн ESG» аттуу башкаруучулук ESG-сессиясы болуп өттү.

Сессиянын алкагында туруктуу өнүгүү жана ESG багытындагы негизги маселелер каралды:
🔹 ESG принциптерин Банктын стратегиясына жана бизнес-процесстерине интеграциялоо;
🔹 ESG тобокелдиктери жана алардын салттуу банктык тобокелдиктер менен өз ара байланышы;
🔹 ESG күн тартибин ишке ашырууда Директорлор кеңешинин, Башкармалыктын жана түзүмдүк бөлүмдөрдүн жетекчилеринин ролу;
🔹 туруктуу өнүгүү чөйрөсүндөгү Кыргыз Республикасынын Улуттук банкынын актуалдуу талаптары жана сунуштамалары;
🔹 ESG маалыматтарынын сапаты жана финансылык эмес маалыматтарды ачыкка чыгаруу;
🔹 ESG инструменттерин колдонуу боюнча практикалык кейстер жана эл аралык тажрыйба.

Жетекчилердин катышуусу ESG ыкмаларын жана аларды ар кандай түзүмдүк бөлүмдөрдүн милдеттерин эске алуу менен практикалык колдонуу жолдорун бирдиктүү түшүнүүгө өбөлгө түздү.

«Банк Азия» үчүн ESG — заманбап башкаруунун, жоопкерчиликтүү каржылоонун, тобокелдиктерди натыйжалуу башкаруунун жана бизнестин узак мөөнөттүү туруктуулугунун маанилүү бөлүгү.

«Банк Азия» жоопкерчиликтүү жана туруктуу бизнес жүргүзүү моделин бекемдөө менен ESG ыкмаларын өнүктүрүүнү улантууда.