Персоналды башкаруу бөлүмүнө адис

Квалификациялык талаптар:

Билими: Жогорку  экономикалык. 

Эмгек такшалмасы 1 жылдан кем эмес. 

КР  мыйзамдарын, банк  ишмердигин  жөнгө салуучу  жана  иштин мүнөзүн аныктоочу   ченемдик  жана  нускоочу  иш  кагаздарды   билүү.

Функционалдык  милдеттери:

1. Башкы  банктын  жана  анын  филиалдарынын  жумушчуларынын жеке көктөмөлөрүн жана эмгек китепчелерин тариздөө, аларга эмгек ишмердигине байланыштуу  өзгөртүүлөрдү киргизүү;
2. Эмгек келишимдерин, кошумча макулдашууларды жана башка кадрдык  иш  кагаздарды түзүү жана тариздөө;
3. Өздүк курам жана ички ишмердик боюнча буйруктардын долбоорлорун,  эмгек  келишимдеринин  долбоорлорун  даярдоо;   
4. Банктын башкы кеңсесинде жана филиалдарында табелдик эсепке алууну  жүргүзүүнү уюштуруу жана контролдоо;
5. Персоналдын сандык жана сапаттык курамы, кыймылы жөнүндө маалыматтар  базасын  тариздөө  жана  жүргүзүү;
6. Персоналды башкаруу бөлүгүндө жөнгө салуучу ички иш кагаздарды иштеп чыгуу; 
7. Банктын жана анын бөлүкчөлөрүнүн өздүк курамын биринчи эсепке алуучулук маалыматтын бирдейлештирилген формаларына ылайык эсепке алуу, жумушчулардын  учурдагы жана өткөн эмгек ишмердиги жөнүндө маалым катты берүү (1С Ишкана программасында);
8. Пенсиялык камсыздоо боюнча керектүү иш кагаздарды даярдоону жана социалдык  камсыздоо органдарына  берүүнү  камсыздоо;
9. Банк жумушчуларынын эмгек өргүүлөрүнүн графиктерин түзүү,  бекитилген графиктерге ылайык кезектеги өргүүлөрүн тариздөө, жумушчулардын  өз өргүүлөрүн колдонуусун эсепке алуу жана анализдөө, өргүүлөрдүн  резервдерин  тариздөө;

10. Аскердик эсепке алууну жүргүзүү;

11. Бөлүкчөлөрдөгү эмгек тартибинин абалын контролдоо жана ички эмгек тартибинин эрежелерин сактоо;

Жеке сапаттары: 

Адамдар жана иш кагаздар менен иштөөгө багыт алуу, аткаруучулук,  тапшырмаларды коюу жана аларды аткара билүү, стресске туруктуулук, жоопкерчилик, ынталуулук, мамиле түзө билүүчүлүк, жогорку иш жөндөмдүүлүгү.