Урматтуу айымдар жана мырзалар!

Сиздин назарыңыздарга программалык камсыздоону сатып алуу боюнча тендерге катышуу чакыруусун сунуштайбыз.

Жалпы маалымат

«Азия банкы» ЖАК Сизди компанияны программалык камсыздоону сатып алуу боюнча тендерге катышууга чакырат.

Себилдөөчү буюмдардын спецификациясы № 1 тиркемеде көрсөтүлөт.

Тендердин шарттары жана өз ара аракеттенүү тартиби

Тендер эки баскычтан турат деп болжолдонууда.

1-баскычта - ушул чакыруунун шилтемелерин, тендерге катышуу ниетин жазуу жүзүндөгү ырастоолорду чогултууну, жеткирүүчү-компаниялардын сунуштарынын баштапкы талдоолорун жана сунушка карата жазуу жүзүндөгү пикирлерди топтоолор, нарктык маалыматты жана жүзөгө ашырылуучу иштердин болжолдонгон мөөнөтүн, банк жана долбоордун консультанттары тарабынан аларды талдоолорду камтыйт.

2-бакычта – мурунку баскычта алынган маалыматтарды талдоо процессинде себилдөөчү буюмдарды жеткирүүгө келишим түзүлө турган оптималдуу чечимдерди сунуштаган компаниялар тандалып алынат.

Өткөрүү мөөнөтү

Катышуучулар беш жумуш күнү ичинде +996(312)550182 факс боюнча же электрондук почта аркылуу тендерге катышуу ниетин жазуу жүзүндө ырасташы керек. Катышуучулар тарабынан сунуштар чапталган конвертте төмөнкү дарек боюнча кабыл алынат: 720016, Кыргыз Республикасы, Бишкек ш., Ч.Айтматов проспекти, 303 (СЭЗ «Бишкек»).

Катышуучулар төмөнкүлөрдү берүүгө милдеттенишет:

-   уюмдун мөөрү менен күбөлөндүрүлгөн компаниянын уставынын көчүрмөсү же КРнын Юстиция министрлигинде же анын аймактык органында катталгандыгы/кайра катталгандыгы тууралуу күбөлүктүн көчүрмөсү;

-   уюмдун мөөрү менен күбөлөндүрүлгөн акыркы үч жыл үчүн финансылык отчеттуулуктун көчүрмөсү;

-   тендердин катышуучусунун компетенттүү башкаруу органдарынын ишеним каты жок анын атынан чыгууга укугу бар жактын кызмат ордуна дайындоо жөнүндө чечиминин белгиленген тартипте күбөлөндүрүлгөн көчүрмөсү (Уставга жана колдонуудагы мыйзамдардын талабына ылайык);

-   ири бүтүмдөрдү аткарууда ыйгарым укуктуу органдын мындай бүтүмдү жүргүзүү жөнүндө чечими;

-   тендердин катышуучусунун атайын укукка жөндөмдүүлүгүн тастыктаган документтердин күбөлөндүрүлгөн көчүрмөлөрү (лицензия; уруксат каты; белгилүү бир иштерди аткарууга уруксат берүү жөнүндө күбөлүк ж.б.);

-   акыркы отчеттук мезгил үчүн КР Социалдык фондуна салыктар жана төлөмдөр боюнча карыздын жоктугу тууралуу маалымкаты (юридикалык жактар жана жеке ишкерлер үчүн);

-   КР рыногунда иш тажрыйбасы көрсөтүлгөн компаниянын кыскача резюмеси;

-   компаниянын кардарларынан түшкөн оң маанидеги пикирлер (бар болсо).

Кыргыз Республикасына вендорду жеткирүүнүн расмий каналын милдеттүү түрдө колдонушу керек жана муну ырастаган документти конвертке салып берүү керек (мисалы, MAF (MANUFACTURER'S AUTHORIZATION FORM ))

Катышуучулардан сунуштарды кабыл алуу мөөнөтү 2023-жылдын  31-октябры, саат 16:00гө чейин.

 Байланышуу маалыматы

Бул тендерди өткөрүү жана ошондой эле берилүүчү функционалдык жана техникалык талаптар боюнча тартипке байланыштуу бардык суроолор боюнча кошумча маалымат алуу зарылдыгы келип чыккан учурда төмөнкү электрондук дарек боюнча МТ бөлүмүнүн адистерине кайрылыңыз:

 [email protected] , [email protected]  или по телефонам +(996)312-554780,

+(996)312-554775

Купуялуулук

Тендерге катышуу боюнча бул чакыруу сатып алынуучу жабдууларга жана себилдөөчү буюмдарга, ошондой эле башка материалдарга карата функционалдык жана техникалык талаптардын тиркелген сыпаттамасы катуу купуялуу болуп саналат жана Сиздин коммерциялык сунушуңузду даярдоого түздөн-түз катышпаган үчүнчү жактарга кандайдыр бир формада берилбеши керек.

Мындан тышкары, Банктын жабдууларды жана себилдөөчү буюмдарды тандоого карата ниети тууралуу ар түрдүү үчүнчү жактарга кандайдыр бир жол менен билдирүүгө, ошондой эле бул долбоорго байланыштуу Банк тарабынан берилген ар кандай маалыматты жайылтууга тыюу салынат. Көрсөтүлгөн маалымат ал даярдалып жана Банкка өткөрүлүп берилгенде катуу купуялуу болууга тийиш, бирок мындан ары Банк берилген маалыматты колдонууга жана өз каалоосу боюнча көз карандысыз консультанттарга же бул дайындар жөнүндө Сизге эскертпестен башка жактарга таратуу укугун өзүнө калтырат.

№1 тиркеме

Жабдуулардын спецификациясы  

№1 Лот – Microsoft программалык камсыздандыруу

Бардык продукттар вендордун жеткирүүнүн расмий каналы аркылуу аткарылышы керек.

Катышуучулардын сунуштарында ар бир лот боюнча жеткирүү мөөнөтү милдеттүү түрдө көрсөтүлүшү керек.

Келишимди бекиткен учурда Жеткирүүчү Сатып алуучуга электрондук эсеп фактурасын берүүгө милдеттенет.